بعض معاني الكلمات الفلسطينية والغزاوية

بعض معاني الكلمات الفلسطينية والغزاوية

مرحبا
كيفكم يا اهل المنتدى
اليكم معاني كلمات فلسطينية

تطلي = نوع من انواع المربى
بنكيت = الرصيف في الشارع.
البيارة= المزرعة.
شمينت: نوع من انواع اللبن "مفردة من مخلفات العدو الصهيوني"
ككسة = كيكة
الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = هوة نو طبيخ مرات بتتسمى ودن القط وهي عجين بنحشي لحمة أو كفة مفرومة وبنطبخ مع اللبن ..

بشكير = منشفة اللي بنشف فيها وجهنا على الصبح ...
فرشة :: معناتها فراش بس احنا بندلعها فرشة هههههههههه
ابطيني :: يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور الكاز)

مخدة = وسادة

زرفيل = قفل الباب
اقلط الشارع : اقطع الشارع
عشرطعش : يقصد فيها الكثرة من الشئ ..
تخت = سرير
رمزون = إشارة مرور ضوئية
كلنس = محارم
سطل = جردل = دلو
هواية = مروحة
نونة=يعني شوي
ونجك حالك=يعني زبط حالك
روق يا ضاوي=يعني وحد الله يا مجنون
ههههههههههه
على بلاطة=يعني من الآخر
كوشي=يعني اسود
شكشوكه : (اكله ) بندوره وبيض
بابوج = شبشب
معصلج = مزرجن = مش راضي أو بمعنى آخر راكب راسه..

مقلمة = علبة الأقلام اللي بكون شايلها الطالب تاع المدرسة
فورسة = فسحة اللي في نص الحصص في المدرسة
كنتين = كافتيريا المدرسة
صف = فصل المدرسة
الدالية = هي شجرة العنب يقال :::: تعال نقعد تحت الداليه :::بمعني ::: هيا بنا نجلس تحت شجرة العنب.
الزغيرة = الزغنونة = صغيرة
جمطة =يعنى ما بتنبلع =ما تنزل من زور
طشه = يعني فسحة او طلعة علي البر او علي البحر
اجنص = " جديد من النايلون " ..

سطل = " جردل " ... الايناء الذي يحتوي الزباله او المياة لشطف البيت

مواسرجي = " السباك " ... الرجل الذي يقوم بتصلح المجاري ...

حنفية = " صنبور " ...

مية متلجة = " مياة مثلجة " ...

ورا الدار = " خلف البيت " ...

قزاز = " زجاج " ...

سيرج = " زيت الذرة او زيت عباد الشمس " ...

سقاطة = " حصالة " ...

قداحة = " ولاعة " ...

بربيج = " خرطوم المياة " ...

لنش = "سفينه صيد اسماك كبير " ...

حسكة = " سفينة صيد صغيرة " ....

شياطة = " الاداة المستخدمة في التزحلق على امواج البحر " ...

زمور = " منبه السيارة " ...

كوربة = " التفاف الشارع " .. تقاطع يعني ...

منقرز = " محتاج الى سيجارة " ...

شخبطة = " خرابيش الجاج " ...
شقلب وجهك عني= يعني ما بدي اشوف خلقتك
سبهللة = يعني بدون مسؤولية
افتح مخك وطقطق دنيك = ركز معي الله لايسيئك
تلقحيه = واحد رامي حالو علينا
دكانة = سوبر ماركت
نتخرف = ندردش مع بعض
ام العبد و ابو العبد = اسم فلسطيني قح
قُح = عالاخر

فرم الشاب = طحنه = خلاه زي الطحينه
(فعصو) فعص في بطن الشاب = خبط في بطنه هلكه
جلدة راسه خميله = عبيط او ( بفهمش بسرعه )
بدكاش=ما بدك
شاكوش=مطرقة
فطبول=كرة قدم.كرة سلة
طقية=قبعة
شمر = ارفع البنطلون او الجلبية وافكح او اجري
قرفان = واحد مش طايق حالو بالمرة.
سك عالدم = يعني انسى ومش فايقلك
برقان (بضم الباء وتسكين الراء) يعني برتقال بس الواحد بيكون مستعجل
بوزك = وجهك
زير = الاناء المصنوع من الفخار يوضع في الماء
قشاط = اللى بيكون على البنطلون
طنجره = بالمصرى حله هاى اللى بيكون فيها الطبيخ اسمها طنجره
هلقيت = الان بس احنا النا بعد تانى عن الحياه
حبيبى يا حج = حبيبى يا قلق = حبيبى يا لوز = حبيبى يا حوت
شقفه = حته قطعه
يع = يعنى قرفان من اشى
اوعى تتزحلق = يعنى تندب دير بالك فى صابون على البلاط
الخوصة : يعني السكين
شرشف = ملاية
جربان = شراب (عند المصريين)
شاف = اللي بيحطو فيه الميّة
ليدن = علكة
احلقلو = طنشو = ماتعبرهوش
ترللي = مهوي = اهبل
عجأة عفجأه .. ايتيكيت عالموكيت .. مرتب عالمكتب .. والعدة عالسدة
يجاكر = يعاند
زبدية: صحن من الفخار لعمل الدقة الغزاوية.
ورق دوالي: ورق عنب
قمباز = لباس فلسطيني يلبسه الختارية
سجرة:شجرة
اسكومية :يعني ايس كريم هههههههه
الفرشوحه =يعني سندويش الشاورما بالغزاوي القح
ريحة : يعني عطر
قصافة: يعني مقص أظافر
هلأ = الان = هسا = الحين
مستهلسكو / يعني مش معبركو
مطعوج: من الفعل انطعج والمصدر تاعو انطعاج وهو الشء المعوج
فشكة:- بيت الرصاصة الفارغه...والبعض يطلقه على الرصاصه نفسها بعد ما تطلق
ازعق عليه: نادي عليه
ضلك كاوي: ضلك ماشي على طول (نفس الطريق)
يختي: اسلوب نداء للمؤنث
يخو: اسلوب نداء للمذكر
بعكش = فتش = ابحث = دور
جُحْ= غزاوي جُحْ = غزاوي أصيل
بسكليت = يعني دراجة

هو لسة ضايل كلمات كتير
القاموس الفسطيني ما بخلص
انشاء الله عجبوكم

شكرا والله كلام غريب

والله زمان ما سمعنا هاي الكلمات مشكوره عبير

مشكورة أخت عبير على الموضوع Very Happy

بعض معاني الكلمات الفلسطينية والغزاوية Merci

تحياتي لك ... وأتمنى ان ارى جديدك دائما

يعطيكي العافيه وجزاكي الله كل خير

أعتقد كمان بنكيت كلمه عبريه

الموضوع حلو كتير
اي والله مفردات طكع
انا بسمع وبستعمل بعض الكلمات

يعني ضايل شويه من لغه الاجداد نستخدمها بحياتنا

مشكوره اختي لاهتمامك

اسمعي هالموال من لغة الأجداد
اووووووف يابنتي

يا بنتي انا من بلاد عرج
من ارضها خير الانام
محمد نبي عليه خير السلام
وبارك حولها الرحمن وصارت
بيوم قبله للاسلام

» معاني تحملها أحرف كلمة .. فــلــســطــيــن..
» الهوية الفلسطينية ...
» صفات البنت الفلسطينية
» تاريخ النكبة الفلسطينية
» دبكتنا تبرهن مين إحنا (الدبكة الفلسطينية)