دبكتنا تبرهن مين إحنا (الدبكة الفلسطينية)

فلسطيني حقو ما ينسى قطعاً وبكل الأحوال
وإذا كان من صحاب الموقف لا بد بلادو يحررها
في بلادي يا محلا الدبكة تترندح بعد الموال
إيد بأيد وكتف ع كتف و صدور رجال تنشٌرها
وعالأول ختيار يلوح لابس دماية وعقال
وحامل عصاية بيمينو زمن فوق راسو يمررها
شوفو لما يشيش المجوز بيقدم رجلو لشمال
ويعلن واحد / شمالية / وأكثر من مرة يكررها
وشبابة تزغرد بالساحة تقسم ويرد الطٌبال
نشاما بتدبك عالخمسة تسهر وسراج مسهرها
يرغول مخزق سداسي، زمارة وقصبات طوال
ينغم زريف و عللا وشوي السحجة يأ خرها
إرث كبير كثيــر وصامد عمرو يتعدى أجيال
يا حسرة ع جيل اليو م كيف العادات بيدثرها
دايرلك ع مساري وإيمينيم أو روبي وهيفا ونوال
و ما بيهمو غير المظهر وأكثر القيم مدشرها
وأختم كلامي بدعوة، ياربي تغير هالحال
وبالكرامة نحيي المجد و هالبلد بحب نعمرها

اخ علي لقد ابدعت والله لقد ابدعت شكرا كثرا على الموضوع الاكثر من رائع .

ملاحظة : طبعا علي ابو بكر يعتبر من ملوك الدبكة الفلسطنية التي نعتز فيها سامحني اخي علي ولكن الاعتراف واجب شكرا شكرا .

مشكور على الموضوع الرائع

[center]موضوع رائع وياريتني مكانك من رجال الدبكه وجدعانها لأني للأسف ما بعرف شي منها

والله حكيك يا أبو منصور صحيح علي ملك بالدبكة

وشكر كبير لعلي على هذا الوضوع الرائع

لن أموت قبل أن أقبل تراب غزة

يرغول مخزق سداسي، زمارة وقصبات طوال
ينغم زريف و عللا وشوي السحجة يأ خرها
إرث كبير كثيــر وصامد عمرو يتعدى أجيال
يا حسرة ع جيل اليو م كيف العادات بيدثرها

علي ... رائع جدا

كلمات ولا أروع
تقبل مروري و تحياتي لك

ساجي
وحياة من خلق الضحا وما سجا فيه ساجي
من قلبي ظمة (بقسة) ورد وبهديها لساجي

تعيش يا ساجي أنتو الأساس

رامي أبو صلاح
شاعر يعبد الأول
معكم نسير وبكم نقتدي
ومشكورة لفتاتك الكريمة

يعطيك العافية

» إحنا إللي نحمي الوطن .
» الهوية الفلسطينية ...
» صفات البنت الفلسطينية
» تاريخ النكبة الفلسطينية
» بعض معاني الكلمات الفلسطينية والغزاوية